COMPETENCIAS XERAIS DO TÉCNICO DE ELECTROMECÁNICA DE VEHÍCULOS

Competencia xeral

Os requisitos xerais de cualificación profesional do sistema productivo para este técnico son:
Realizar operacións de mantemento, montaxe de accesorios e transformacións do vehículo na área de mecánica, hidráulica, pneumática e electricidade axustándose a procedementos e tempos establecidos, conseguindo a calidade requirida e en condicións de seguridade.

Capacidades profesionais

Capacidades técnicas:
-Interpretar e comprende-la información e, en xeral, toda a linguaxe simbólica asociada ás operacións de mantemento e reparación na área de electromecánica, accesorios e equipos do vehículo.
-Diagnosticar avarías na área electromecánica de vehículos, determinando as súas causas e establecendo o proceso de reparación.
-Executar con destreza as operacións de mantemento e reparación dos elementos electromecánicos do vehículo, accesorios e equipos, autoavaliando o resultado da súa intervención.
-Executar un conxunto de accións, de contido politécnico e/ou polifuncional, de forma autónoma no marco das técnicas propias da súa profesión, baixo métodos establecidos.